One court for Milan don sentence Brazil international Robinho go nine years inside prison for sexual assault according to Italian state news agency ANSA.

Dey sentence d Brazilian footballer Robinho to nine years in prison based on say him follow for d gang rape of one woman for Milan for 2013.

Na one Italian court rule d 33-year-old and five oda Brazilians wey assault d Albanian woman, wey bin dey 22years, after dem give am alcohol make she drink stupid for nightclub.

Robinho bin play for Milan from 2010 go reach 2015 and imm currently dey with Atletico Mineiro and imm make hin last appearance for d national team for January when dem play Colombia.
As e be sey Robinho na Brazil international wey dey live for Brazil currently, him fit no face jail time for dis offence.

According to dia local legislation, u no fit carry Brazil citizen go another country jes to arrest am..buh if e happen sey en leave imm country dey fit detain am for dah side.

Robinho current club, Atletico Mineiro no gree comment for d matter sey dem go only talk through dia lawyers if necessary.



Please enter your comment!
Please enter your name here