Gernot Rohr don invite Francis Uzoho and Chidiebere Nwakali for d match wey Super Eagles go face d Desert Foxes and La Albiceleste.
John Obi Mikel go lead Naija senior national team against Algeria and Argentina for November.
D Super Eagles don already book dia place for d 2018 Fifa World Cup wey dey happen for Russia and dem go face Rabah Madjer men for November 10 for dia last qualifying game wey be ordinary formality based on say dem don already get dia place.
Four days after, dey go face d South Americans for friendly encounter wey dem go play for Krasnodar Stadium, Russia.
And make dem fit tear d match, prosecute am well, Gernot Rohr don invite 24 players even with d former Chelsea midfielder and Arsenal forward with dem.
Others na Ogenyi Onazi, Ikechukwu Ezenwa, Odion Ighalo and Hapoel Be’er Sheva’s John Ogu.
Unto d way hin don dey impress people for d Spanish topflight, hin follow invite d 18-year-old goalkeeper, Francis Uzoho and former U17 skipper Chidiebere Nwakali.
All d invited players gatz expect enter camp for Morocco on Monday, 6th November, before d delegation fly to Constantine on Thursday, 9th November.
SEE D FULL SQUAD FOR HERE:
Goalkeepers: Daniel Akpeyi (Chippa United, South Africa); Ikechukwu Ezenwa (FC IfeanyiUbah); Francis Uzoho (Deportivo La Coruna, Spain)
Defenders: William Ekong (Bursaspor FC, Turkey); Abdullahi Shehu (Anorthosis Famagusta, Cyprus); Tyronne Ebuehi (ADO Den Haag, The Netherlands); Leon Balogun (FSV Mainz 05, Germany); Uche Agbo (Standard Liege, Belgium); Chidozie Awaziem (Nantes FC, France); Olaoluwa Aina (Hull City, England)
Midfielders: Mikel John Obi (Tianjin Teda, China); Ogenyi Onazi (Trabzonspor FC, Turkey); Wilfred Ndidi (Leicester City, England); Oghenekaro Etebo (CD Feirense, Portugal); John Ogu (Hapoel Be’er Sheva, Israel); Mikel Agu (Bursaspor FC, Turkey); Chidiebere Nwakali (Sogndal FC, Norway)
Forwards: Ahmed Musa (Leicester City, England); Kelechi Iheanacho (Leicester City, England); Moses Simon (KAA Gent, Belgium); Alex Iwobi (Arsenal FC, England); Odion Ighalo (Chang Chun-Yatai, China); Henry Onyekuru (RSC Anderlecht, Belgium); Anthony Nwakaeme (Hapoel Be’er Sheva, Israel)
STANDBY: Kenneth Omeruo (Kasimpasa FC, Turkey); Alhassan Ibrahim (FK Austria Wien, Austria); Brian Idowu (FC Amkar Perm, Russia)