Home / Sports / ROHR DON GIVE EAGLES SUNDAY AS DEADLINE

ROHR DON GIVE EAGLES SUNDAY AS DEADLINE

Super Eagles coach, Gernot Rohr don give all players notice say dem must report to camp dis Sunday for Abuja except Victor Moses and Alex Iwobi wey dey busy with dia different clubs for d Premier League action dat day. 

D coaches want make dem do five days of training, learn better skills wey dem go take win d match between Cameroonian team wey don dey ginger since say dem go trash Super Eagles from two matches for d group B of FIFA World Cup qualifiers. 

Him talk say;

“Every player must arrive Abuja dis weekend

Na only Victor Moses with Alex Iwobi, get d right to stay back unto say dem go dey play for dia clubs on Sunday. 

Dem go join up with d team for Uyo on Monday latest.” 

Rohr talk say him dey expect John Obi Mikel wey dey base for China now with Odion Ighalo today. 

Him follow dey expect Nantes of France, Chidozie Awaziem to report today. 

D Eagles go comot from Abuja to Uyo on Monday afternoon with d coach as dem dey expect full house for d team trainings on Tuesday and Wednesday. 

Super Eagles go face Cameroon for Uyo on Friday afternoon and dem go go Yaounde with chartered flight on Sunday unto d return leg d next day. 

“We know say for dese two games, we need at least three points and d best na if dem fit get am for dia first game. 

To win d games, we get team wey  strong pass d last time with more experience based on say three other key players don come back. 

“Our captain (Mikel Obi), Leon Balogun with Victor Moses dey come back. For every department for our team, we get key players wey dey come back and we need dia experiences and talents.” 

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

C. RONALDO AND NEYMAR GO JAM DIASELF FOR CHAMPIONS LEAGUE

Real Madrid Cristiano Ronaldo go continue dia bid to take be d first team after …

Leave a Reply

Your email address will not be published.