Naija Football Federation don shift Super Eagles technical adviser Gernot Rohr contract go front with two years.
NFF first Vice Presido, Barrister Seyi Akinwunmi explain sey Rohr wey dem bin employ for July 2016 deserve d contract extension after imm epp d super Eagles team qualify for 2018 FIFA world cup finals even with one match to go.
Him don do a very good job and sey when person do better work imm suppose get reward. Him also talk sey dem dey proud to get Mr Rohr on board and also sey dem dey proud to give am dis contract extension.
Rohr wey bin play as defender and wey bin don coach Gabon, Burkina Faso and Niger Republic before imm start to dey coach Naija talk sey d Super Eagles players and officials gats put dia work at 100% and focused as dem dey go forward.