Home / Sports / RONALDINHO DON RETIRE!

RONALDINHO DON RETIRE!

Brazilian world cup winner don officially announce imm retirement from football. E don pass 2yrs after imm last appearance, d 37yr old ogbonge former PSG and Barca star wey follow be member of d Brazil squad wey bin win d 2002 world cup bin play ball last for 2015 for fluminense FC.

Although imm brother and agent Roberto Assis bin don already talk sey imm no go play again unto sey imm bin one concentrate on tribute events. Him talk sey dem dey plan do sontin big and nice after d world cup for Russia maybe around August. Him talk sey dem go do several events for Brazil Europe and Asia and sey dem go surely follow d Brazil team watch one game.

Ronaldinho career bin begin with Gremio for Porto Alegre wey be him hometown before hin kon join French giants PSG.

Him kon also spend five years with Barca between 2003 and 2008 wey imm bin epp dem win champions league for 2006 den kon win d Ballon D’Or for 2005.

Ronaldinho bin also kon spend 3 more seasons for Europe with AC Milan between 2008 and 2011 before him return Brazil wey him follow Flamengo and Atletico Mineiro play.

Him bin kon spend one season for Mexico with Queretaro before imm return to Brazil go join Fluminense wey imm bin play for 7times before en con cut short imm contract.

While for Brazil  Ronaldinho bin make 97 appearances kon score 33goals including two for 2002 world cup wey dem host for South Korea and Japan.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

Nigeria Don Receive Better Beating From Morocco

For di football wey Morocco and Nigeria play last night, Moroccan football people come nack …

Leave a Reply

Your email address will not be published.