Champions Real Madrid don do Apoel Nicosia yeye as dem give dem 6-0 for Cyprus wey dem use qualify for di Champions’ League round of 16.

Karim Benzema and Cristiano Ronaldo be di two people wey score score two goals each for di match. Ronaldo be di guy wey score higher score for di competition with eight goals.

We don dey see say, Ronaldo never tire to dey create him history anyhow for football based on say di two goals wey im score mean say im don nack 18 for 2017.

Person never score goal wey reach di one him score.

For another match for Spain, Liverpool troway dia 3-0 lead for Sevilla to draw 3-3, di result mean say di Reds need one point against Spartak Moscow for di final group game to qualify.

Tottenham Hotspur don win dia group after dem come from behind to beat Borussia Dortmund 2-1 with goal from Harry Kane and Heung-Min Son. Pierre-Emerick Aubameyang na im score for Dortmund.

Manchester City continue dia fine form dis season as dem beat Feyenoord to top dia group G while Napoli keep dia small hope alive as dem nack Shakhtar Donetsk 3-0

Newcomers Leipzig end Monaco hope to progress with two sharp goals just nine minutes after di match start.

Who don qualify for knockout stage?

Bayern München, Beşiktaş, Manchester City, Paris Saint-Germain, Real Madrid, Tottenham Hotspur.

Wednesday games

Group A: Basel v Manchester United, CSKA Moskva v Benfica

Group B: Paris Saint-Germain v Celtic, Anderlecht v Bayern München

Group C: Qarabağ v Chelsea, Atlético Madrid v Roma

Group D: Sporting CP v Olympiacos, Juventus v Barcelona

LEAVE A REPLY

Please enter your comment!
Please enter your name here