FIFA don don agree say, Nigeria go play Argentina for di fifa world cup wey dem go play for Russia, 2018.

Dem don talk say ‘no wahala’ for di friendly match wey Nigeria wan play against Argentina for Krasnodar, Russia, on 14 November 2017.

Na di person wey be FIFA Director for Competitions, Christian Unger, sign approval letter come carry give Football Union of Russia.

Him talk say, FIFA dey happy say di countries follow di law wey dey guide international matches and e dey good as dem submit all di information wey dem go need to get approval fir di tier 1 match.

Argentina and Nigeria go jam for football for di eighth time for senior level but dis na di first time since 2014, wen Argentina win 3-2 for di World Cup for Brazil.
Wetin happen for di matches wey dem don play before?
Argentina don beat Nigeria four time for di World Cup.
For 1994, dey give Nigeria 2-1.

For 2001 and 2010 dey give Nigeria 1-0.
And na 3-2 for di last World Cup tournament (2014).
Dem play goalless draw for di 1995 FIFA Confederations Cup for Saudi Arabia.

Di main koko br say, Nigeria don dey ginger, dey do practice on how dem go get strength and tactics to win Argentina.


Please enter your comment!
Please enter your name here