Home / Entertainment / RUSSIA 2018: WEN EAGLES DEY FLY(SUPER EAGLES)

RUSSIA 2018: WEN EAGLES DEY FLY(SUPER EAGLES)

SUPER EAGLES: Eagles be birds wey nogo for dia life, dey weak, based on say, dem always make dia strength new. Wen people dey talk about eagle, dem dey talk about birds wey get glory, birds wey get big strength above any bird wey you go think of. Dem dey reach sky, and dey use storm dey make dia strength. 

SUPER EAGLES, don honour dia Country wey be Nigeria and also don honour dia vision with dia hearts, as God come bless dem with plenty Victory for di four matches wey dem play,as dem come get 10-points. Dia victory na also based on say, dem choose better people and right people wey get sense and talent to play well- Michael Obi, wey be dia Midfield person, Vincent Enyeama, wey be dia goal keeper, Victor Moses, wey be dia midfielder, Emmanuel Emeka, wey be dia foward person, Ogenyi Onazi, wey be dia midfielder, Ahmed Musa, wey be dia forward person, Kelechi Iheanacho, Peter Odemwingie wey be forward too. 

Super eagles don try well well for di ball wen dem don play already with Cameroon, and other people for di Russia 2018 world cup Football competition. 

As e dey, Super Eagles go face Zambia on Saturday, 7th October 2017, for Godswill Akpabio’s Stadium, Uyo, Akwa Ibom State, wey dem don pray, plan, and dey ready to win Zambia as e go make dem qualify for di Russia 2018 World cup Football Competition wey go come in 2018.

As Victory be wetin go make man defend himself and effort for him life, Newsinpidgin.ng don come with dia wishes for Super Eagles success and Grace, as dem dey pray, for baba God to give dem power and strength to win Zambia wey go make dem dey on top di World.

Dis na based on say, we no wan di football to be ordinary gathering wey dem go gather, but something wey dem go jolly together to success, as dem don dey ambitious for preparation, as e go make another generation to need dem and talk about dem for history. 

Di matta wey dey life be say, best connection wey person go make for him global mission na di one wey him go make, through di tori wey concern him Victory him go share.

As Eagle dey see things wey dey far, make una see una Victory, as something wey una don already get. Make una vision dey clear, as e go help una identify una prey and opponents and score well. 

As Eagles no dey eat anything wey don die, una nogo eat deadlock . Eagles dey fly higher very fast, and no dey stay with people wey dey fail for dia life. Una nogo fail di match. 

As Eagles dey use storm as dia strength, make una prepare well to face anything wey go challenge una Victory, make una use di storm as una strength to fly higher to una new glory. 

NEWSINPIDGIN.NG DEY WISH UNA VICTORY AND SUCCESS…… 

 

 

Facebook Comments

About Faithful Ihechiluru

My name be Faithful Ihechiluru. I be movie actor, content developer, and Brand builder. CONTACTS: Email:ezefaithful@gmail.com Phone Number: 07037541935 WhatsApp : +2347037541935

Check Also

C. RONALDO AND NEYMAR GO JAM DIASELF FOR CHAMPIONS LEAGUE

Real Madrid Cristiano Ronaldo go continue dia bid to take be d first team after …

Leave a Reply

Your email address will not be published.