Naptip, wey be Nigerian agency wey dey fight human smugglers, don rescue 10 young people from di human traffickers wey wan carry dem go Russia.

Di smugglers bin use di World Cup wey dem go start on Thursday carry dis people to Russia. Di 10 of dem bin carry FIFA Fan ID card.

Naptip catch dis people for Murtala Muhammad International Airport wey dey for Lagos and name where dem rescue dem, as dem dey prepare to enter one Airline.

Di airline bin no allow five of dem enter plane based on say dem bin carry only one way ticket, wey mean say dem no plan to return.

Based on wetin Naptip talk, di traffickers bin force some of di young parents to drop plenty moni for di Russia visa.

Naptip say dem catch one policeman and and another quarantine officials for di airport wey get hand for di mata and dem dey try to chook eye for di mata well well.

For di statement wey Naptip release, dem yan say, “out of di people wey dem rescue, nine be girls and one be boy”. Out of dis number, five people  na Edo State people, na Delta State people, one na Imo personand di last one na Benue State im come from.

Officers of di agency bin raise alarm say dem dey get signal say some traffickers wan use di World Cup smuggle people enter Europe through Russia.

Based on di information, Naptip madam Julie Okah-Donli, kom meet with officials of Russia Embassy for Nigeria and di Sports minister, Solomon Dalung. Na dat one make di agency come Start dey do ‘Operation Block’ and do collabo with other security agency to help make sure say dem catch any trafficker wey wan do dat kind thing.


Please enter your comment!
Please enter your name here