Liverpool star Mohammed Salah don win d 2017 BBC African footballer of d year. D Liverpool winger beat 5 stars to take win d award.
Other ppu wey follow am drag d award na imm team mate Sadio Mane, Chelsea Victor Moses, Broussia Dortmund striker Pierre-Emerick Aubameyang and Red Bull Leipzigs Naby Keith.
Moses bin finish fourth for d award den Keita kon carry fifth.
Salah talk sey imm don always follow imm way and hin want everybody for Egypt to follow hin way too. Him sey since imm leave Egypt, him don get am for mind to take be d best for Egypt and sey hin dey always try to be different from dem.
Even as Salah don make name for immsef for Liverpool since imm enter from Roma. Him biggest achievement to dis date come from hin country.
D Egyptian bin score late goal against Congo for October to take epp imm country qualify for dia first world cup after more dan 10yrs.
Egypt wey be African champions for record seven times never reach world cup since 1990 but d 25yr old bin score from penalty spot after d score bin still dey 1 – 1.
In total Salah score five of d seven goals wey Egypt score for dia qualifying campaign. Him bin also epp Egypt reach final of d African cup of Nations before dem kon lose to Cameroon.
Dis na d first time dem dey nominate Salah for African footballer of d year and imm na also d first Egyptian wey win am since Mohammed Aboutrika for 2008.
Salah teammate Mane carry second for d vote while Aubameyang kon finish third.