Home / Gist / School Sack Lecturer Wey Dey Collect Sorting

School Sack Lecturer Wey Dey Collect Sorting

 College of Education for Akwanga, Nasarawa state department don sack one of their lecturer wey him name be Paul Mandela unto sey him dey collect correct bar from carryover students take pass them.

One of the  Oga kpata kpata for the school, wey dem dey call provost, Dr. Rebecca Umaru yan National News Agency (NAN) yesterday wey be Tuesday say this lecturer, Paul Mandela dey take style style collect money from students wey don fail some courses wey suppose carryover, unto say dem don pay, him go pass them.

Dr. Umaru follow talk say the people wey dey give rules and regulations for the school wey be their Governing Council na them give upper hand say make them sack this man because them bin dey don set committee select people wey go watch this man, know if wetin dem dey hear na true, just follow up him matter and this committee come back come say ‘Wetin we dey hear about this man na true oh. Na so dem sack the man.

The Provost come follow warn the students say make them stop all these wuru wuru things wey dem dey do.  All them confra, those ones wey dey carry expo for exams, those ones wey dey come write exams for other pipu and other yama yama things wey dem dey do. She talk say if them catch anyone, wetin dem go take dia eye see ehn, dia mouth no go fit talk am.

Facebook Comments

About Author

Hot Trending News brought to you on time all in Pidgin

Check Also

20 CARS DON BURN AS TANKER EXPLODE FOR FESTAC

Up to 20 cars  and four okada don burn trowey dis afternoon after one tanker …

Leave a Reply

Your email address will not be published.