Person wey bin be Aviation Minister , Femi Fani-Kayode, don talk say di only way wey dem go use make Nnamdi Kanu show for court, na to tell di Army wey go kill people for him place make dem provide am.
Fani-Kayode wey talk on Tuesday, as Nnamdi Kanu no show for court, don reveal say, him get information say, soldiers kill people wey reach 28 people , before IPOB leader, Nnamdi Kanu come dey miss.
Him talk am again say,
“Before dem go prosecute am, or for him to present him own defence, i dey tell Nigerian Army to stop di nonsense dem dey do, and bring him out if him dey with dem. Make dem give us Nnamdi Kanu back, for us to produce him for court. And dem don kill am, make dem give us him body.
“No matter di threats wey i dey face, nothing go make me no stand for my friend, Nnamdi Kanu ”
“I pray for Nnamdi Kanu and I pray for him family.
“Di allegation wey talk say, Army kill 28 people for him house, wen Military go there, be something wey dey shock me and e dey unacceptable. I gather di tori wey talk say, people wey visit dem, guests, dia works, even dia dogs die too.
“I also hear say, Army people burn dia cars, carry bullet design everywhere for di palace.
As e dey, we never see my friend, since di day di Nigerian Army kill di people.