Senegal don choose Liverpool star, Sadio Mane for dia World Cup Qualifier match wey dem go play with South Africa next month and imm club bin dob comot talk sey hin get wound so him go dey away for six weeks.

D striker follow 25 players wey dia coach Aliou Cisse name for dia crucial back to back match against South Africa. 

Him don already start him individual training and him fit resume full training next week according to wetin Cisse talk.

From wetin Liverpool people talk dem sey Mane bin pick up injury wey fit keep am out of action for up to six weeks.

Senegal dey find way to go World Cup again for d second time after dem bin reach quaterfinal for d 2002 own before dem lose to Turkey.

South Africa bin don qualify for d 1998 and 2002 own and dem bin qualify automatically for d 2010 own wey be sey na dem host am.

Mane bin suffer hamstring injury for dia match wey dem bin play against Cape Verde last month.

Senegal jes need two points from d matches wey dem go play for Polokwane for November 10 and for Dakar for November 14 to take qualify for dia 2018 world cup for Russia while South Africa go qualify if dem win d two matches.



Please enter your comment!
Please enter your name here