Dis condom wey get Bluetooth be New condom wey dem just produce for UK wey dey tell person wey wear am how dem dey perform for sex and dey also tell dem whether dem get disease.

Di people wey be di first people wey develop dis condom , wey dia name be British Condoms, don come out with i.Con condom, wey be dia new product wey fit do different-different things wey normal condom no fit do.

Dis i.Con go cost $80 wen e go enter market dis year and e no mean say na real condom, but e dey like ring wey person go wear on top di normal condom and e go measure how di performance di person wey wear am dey as him dey do sex.

Di people wey create dis i-con talk say di condom get him own sense wey dey help am know if person get STI disease like Chlamydia and syphilis and go sabi di different position wey person use for sex.

According to di company wey make am, over 90,000 people don pre-order for di new condom wey get Bluetooth, USB port, and go adjust size to fit any man.

After person don finish sex, customers go get opportunity to share di information wey i.Con sabi about dem, on top social media as di condom fit connect with him own App on top phone.

British Condoms, wey don dey sell condoms since 1999, first bin talk about di product earlier dis year.


Please enter your comment!
Please enter your name here