Di Nigerian Union wey dey  South Africa Don talk say,  six guest houses wey dia member get  don burn down as South Africa people attack Nigerians wey dey Rustenburg, North West Province for South Africa.

Di  chairman for di  union wey dey di Province, Mr Paul Nwanedo, tell  News Agency of Nigeria through telephone  from Rustenburg, on Thursday say  di people wey do dis attack on,  beat one woman and her pikin like paw paw.

Him talk am say,

“Dis attacks bin  start on Sunday and Four Nigerians dey for critical condition for  hospital. We also receive report say, South Africa  taxi drivers also beat one Nigerian woman and her pikin.

We don also confirm say, six guest houses Nigerian people get, don burn down by dis drivers.

“We never see dis kind thing before, but we don tell our people to stay inside di house for now ”

“ As we dey speak now , stakeholders wey police, taxi drivers and senior government officials dey,  still dey do meeting, and dem no allow any Nigerian person to follow for di meeting. ”

Wetin cause dis wahala be say, dis South Africa people dey accuse Nigerians say dem kidnap one 16years old South Africa girl, rape am well well to banana.

But Nwando talk say, Di accusations no dey true and na better real lie.



Please enter your comment!
Please enter your name here