Person wey bin be President for Nigeria, President Goodluck Jonathan don tell Federal High Court on Monday say, make dem comot di subpoena wey talk say make him appear for court as Metuh witness to testify for di matta wey person wey bin be National Publicity Secretary for People Democratic Party, Olisa Metuh get for court.

For di matta, Jonathan don put him own paper for court wey talk say, make Court tell Metuh to keep 1 billion Naira with court people wey him and him security people go use pay for transport, from him place, Otueke wey dey Bayelsa State to Abuja.

President Goodluck Jonathan talk say, di money go cover di time wey him go spend for court, and stand wey him go stand inside dock as person wey bin be Nigeria Presido.

Goodluck Jonathan talk say, wetin him ask make Metuh do, dey under Section 241(2) for di Administration for Criminal Justice Act, 2015.

Dis matta follow for di paper wey Metuh give Court, wey person wey be Justice for Federal High Court, Justice Okon Abang, give order wey no get respect, talk say, make Jonathan appear for court as Metuh witness with person wey bin be National Security Adviser, Sambo Dasuki on Tuesday.

Justice Abang don package di order give a whole person wey bin be president for Nigeria without any shikini respect, say, make him appear for court and tell di court bailiff to make sure say dem give Jonathan di paper before or for five di days.

Court don talk say, make Jonathan and Dasuki show for court for di application wey Metuh submit give court, wey him beg court say, make dis two big Bros come speak for am for court for di matta wey concern N400m wey Metuh talk say him collect from Jonathan through NSA office in 2014.

Oga Goodluck Jonathan be di president wey Nigeria don get, wey be better person. Di better things wey him do, APC and Buhari don destroy dem finish.


Please enter your comment!
Please enter your name here