Home / Foreign Tori / Sun Nogo Dey Hot 2050

Sun Nogo Dey Hot 2050

One report wey scientists from University of California give dey show say di sun go cool well well by di year 2050.

Di report wey dem publish for inside di Chicago-based journal Astrophysical Journal Letters say dis “grand minimum” event go make di sun dey 7 percent cooler.

Wetin grand- minimum mean according to di study na period wey di sun no go work too hard and dis wan go make earth dey cool.

For di grand-minimum wey happen for di middle of di 17th century, temperature drop sotay Thames River freeze.

Dis one no mean say na all di world go cool well well. For di one wey happen for di 17th century, even as weather dey cold for Europe, other areas like Alaska and di southern Greenland no join for di matter as dem dey warm.

Scientists dem dey reason say di grand minimum go make di earth cool by around 0.25 percent between 2020 and 2070.

But dem also dey quick to talk say dis one no mean say di global warming palava don end.

Facebook Comments

About Faithful Ihechiluru

My name be Faithful Ihechiluru. I be movie actor, content developer, and Brand builder. CONTACTS: Email:ezefaithful@gmail.com Phone Number: 07037541935 WhatsApp : +2347037541935

Check Also

Another Fraud Case Don Happen For JAMB Office

Di Joint Admissions and Matriculation Board (JAMB) don start dey investigate another new cases on …

Leave a Reply

Your email address will not be published.