Home / Sports / SUPER EAGLES GO PLAY FRIENDLY WIT ENGLAND ON JUNE 2

SUPER EAGLES GO PLAY FRIENDLY WIT ENGLAND ON JUNE 2

Nigeria Football Federation (NFF) on Wednesday for Abuja don yan say friendly match go dey between Super eagles and England for Wembley Stadium wey dey London on d 2nd of June.

D match go be only d third between d two countries dem for senior level, and e go serve as d Super eagles’ final preparatory game for d FIFA World Cup finals for Russia.

News Agency of Nigeria (NAN) don report say d eagles’ first match for Russia 2018 na against Croatia for Kaliningrad exactly two weeks after. Seyi Akinwunmi, wey be NFF First Vice President and Chairman of d Federation Organising Committee, na imm yan dis one for statement by d federation Communications Department on Wednesday. 

Him yan for d statement say;

“Dey don confam d match. We bin don dey do plenty work for background, even since last year. “Now, we dey happy to say dey don seal am finally. Sure sure, e go be big match, between two ogbonge countries wey get remarkable history. “We get other matches and programmes for d team, and we go soon roll out d entire plan for matches, camping sites and training camps. 

Akinwunmi still kon add say NFF decide to use sense choose dia opponents for d Super eagles wey lead to d World Cup. Him still say e bin dey total agreement with d preferences of d Technical Adviser. 

“Na why we choose England. We bin play Argentina (for November 2017) and we bin no even know say we go dey d same group for d Finals.” 

NAN report say for Russia 2018, wen d eagles go play Croatia, Iceland and Argentina for Group D, England go dey play against Belgium, Panama and Tunisia for Group G. England na one of only eight countries wey win any of d former 20 editions of d FIFA World Cup finals. Nigeria and England bin first clash for senior level on Nov. 16, 1994, and na still for d old Wembley Stadium. 

NAN still report say d Super eagles don already get confam date with Poland for Warsaw on March 23, with other dates wey be March 27 and May 27. Poland na 1974 and 1982 World Cup bronze medalists, and dey play Senegal, Colombia and Japan for Group H for Russia.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

QUADRI, TORIOLA AND DO DON DEY READY TO REP NAIJA FOR AFRICA TOP 16

Aruna Quadri, Segun Toriola, Offiong Edem with Funke Oshonaike don dey expected to showcase diasef …

Leave a Reply

Your email address will not be published.