Supreme Court don free me- Saraki

Supreme Court don free Sen. Saraki as dem pass judgement say senate president Dr. Bukola Saraki no get case to answer on top accuse of corruption and case wey talk say him no declare him property give  Code of Conduct Tribunal.

Di five judges for di panel of Supreme Court on Friday carry di case troway and all di corruption charge wey dey for di Code of Conduct Tribunal, against di Senate President.

Di judgment wey Justice Centus Nweze bin give mean say Saraki no get case to answer for di three count charge for false declaration of asset and money laundering wey Economic and Financial Crimes Commission (EFCC) carry put on top him head.

Oga Saraki bin dey face 18 count charge wey carry am say him lie to declare him property and Nigeria government put case on top him head since 2015.

Di highest and final court for Nigeria na Supreme Court, so as e be so now, na only God fit say Bukola Saraki no declare.

Saraki don post for him twitter say, him body dey totiriam as him don dey free from 1018 case wey Nigerian government put on top him head.

 

For June 2017, di Code of Conduct Tribunal (CCT) bin troway 18 count of count of false asset declaration and money laundering wey EFCC bring against di Senate President because e no get merit.

LEAVE A REPLY

Please enter your comment!
Please enter your name here