Tammy Abraham don ready to shun England, come back Naija, to follow dem play for d next summer World Cup.
Abraham, bin play for England under-21 for dis summer European Championships, and him don choose to come back him Papa land to epp hin people.
D Chelsea striker now dey spend d season for loan for Swansea, him never play senior international with England, meaning say hin fit still chose to play Naija.
Naija now get three point lead for dia group and na just two games wey remain for dem.
Amaju Pinnick, d president of the Nigerian Football Federation, na very close friend of Abraham’ father as him grow with dem for d southern part of Warri.
Pinnick insist say Abraham don decide to accept d invitation to play for Nigeria.
Him yan say:
“I bin get very honest and productive discussion with Tammy and him Papa last week.
“I know say e don tey but him just agree to play for Nigeria and not England.
“Him with him parents don start d necessary documents so him go fit switch shaperly.