D former Chairmo of Lagos State Sports Commission, Deji Tinubu don kpai.
According to d tori wey we don fit gather, Tinubu wey be former board member of Nigerian Football Federation a.k.a. NFF bin fall down die as imm bin dey play football for one retreat wey dem organise for Lagos Commissioners and Special advisers wey be sey Governor Akinwunmi Ambode bin also dey present for d event for Epe.
Na him family members and Associates dem for hin sports circle kon confam say true true o, him don delete.
And before dis match start, dem bin don do screening ontop Tinubu body and for d results wey comot, dey confam say him dey kampe, no shaking. But now, him don fall, die throwey like dat.
D reason why dem bin even dey play dis game na so dem fit avoid dis kind gbege for Government officials dem.
Before imm die, Tinubu bin hold d post as Gov Ambode special adviser for commerce.