Home / Entertainment / TOKE MAKINWA: I Nearly Comot For School

TOKE MAKINWA: I Nearly Comot For School

I NEARLY COMOT FOR SCHOOL” – TOKE MAKINWA DEY REMEMBER THE TIME WEY SHE DEY UNILAG AS SHE END HER BOOK TOUR

One fine babe wey be Media personality, Toke makinwa wey bin dey do tour for her book end am yesterday for the school wey she finish from wey be University Of Lagos {UNILAG}

Toke Makinwa say make she match brake for there cos of sey d tin bin dey remind am of how she bin don nearly lose hope to go school again when dem wan  pursue  am base on say she get poor grades.

She come yan say :
“No be say I dey always do the right things all the time but I thank God for him Grace. I no near to even dey perfect, I get plenty wahala but I dey learn to dey put body for God grace so that anytime I fall, im go catch me. E get as e dey do me for body as I end my book tour for University of Lagos because e dey gimme fresh memories of the last time wey I dey here. I bin no too know book, no be say I for no like know but the wahala wey I bin dey face bin plenty pass me. I no even fit put head for book until dem advise me to comot for the school na that time my head come boot. I bin no get where to go, my result bad, school come say make I comot again…. Chai!!! E nearly make me mad.
Something come happen, I call am Grace. All the Ogas for the department come get meeting ontop my head come pity me. My lecturers bin know say I fit do well but me no even believe am at all, so them kon decide to give me one year to show them wetin I fit do. Shame wey catch me ehn. All my mates don graduate leave me for the school. I come dey another new class. E bin no easy at all o but I still do am.
I no know as e take happen but I comot for the school with 2:2; but instead of 4years wey everybody dey spend for school, me I spend 5-6years but I still graduate.
Na im I say e go make brain make I come back come see the students of the school wey I finish from, wey give me another chance, UNILAG. Make I say Hello to the ones wey too sabi book and still greet the ones wey no too sabi because sometimes na when people hear your tory, na imm dem go dey gingered come believe say them too fit make am”.

Facebook Comments

About Author

Hot Trending News brought to you on time all in Pidgin

Check Also

G-WORLDWIDE ENTERTAINMENT DON CARRY KISS DANIEL GO COURT

Anidugbe Oluwatobi Daniel aka Kiss Daniel don land court as d management of G-Worldwide Entertainment …

Leave a Reply

Your email address will not be published.