Trump don react to Eld bomb blast in Nigeria

President of di United States of America, Donald Trump don condemn di bomb wey blow in Nigeria on Saturday for Damboa, Borno wey dey North Eastern Nigeria by Boko Haram terrorists.

As him talk talk person, Ms Heather Nauert yan am for U.S. Department of State, Trump yan say, him stand firm gidigbaa for di terrorism fight in Nigeria.

Based on reports, people wey go reach 32 persons die for di bomb attack,and people wey reach 84 get injury wen six suicide bombers bomb Damboa Local Government Area of Borno.

“Dis violence and killings, wey happen on top civilians wey dey celebrate with dia families and communities for Eid el-Fitr holiday wey mark end of di Muslim holy month of Ramadan, be reminder to di people wey dey do dis evil”

“United States dey stand firmly with Nigeria for dia fight against terrorism.
“We dey give our condolences to di families and friends of di victims wey injure and people wey die, and we dey mourn di people wey don kpafka’’ U.S. talk am.


Please enter your comment!
Please enter your name here