Plenty reactions up and down dey follow US President Donald Trump talk wey im refer to Haiti, and El Salvador and Africa as shithole countries.
Washington Post, CNN, Politico and other tori people been broadcast say for inside private meeting wey him do with lawmakers on Thursday on top migration matter, him say “why we dey allow all dis people from shithole country to come here?”
But Trump don deny say him no talk dat kind thing thing to Haitians,but na for Haiti wey no be human being.
Dis talk generate plenty reaction as some Africa people talk dia mind for di matter on top social media.
But him tweet today say even though say di language wey him been use for di meeting “tough, but dis no be di language wey him use.”
People wey bin dey di meeting with am say, true-true, Trump talk am.
Democratic Senator Dick Durbin say Trump use di “racist” language and him call some African nations “shitholes.”