Home / News / UDOM EMMANUEL DON WIN NAIJA SPORTS AWARD

UDOM EMMANUEL DON WIN NAIJA SPORTS AWARD

Akwa Ibom state Governor Udom Emmanuel don win d sports Governor of d year award for d 2017 Naija sports award wey dem do on Friday for Lagos.

According to d organisers dem dey give d award to people wey don contribute well to make sure say sport better for d country. Other awards wey dem give out dah day na d sports personality of d year, sportsman of d year, sportswoman of d year and team of d year.

D Chairmo of d award panel Mr. Kweku Tandoh talk sey dem know d winners unto d voting wey d public do from October 5 to November 12. Him follow talk sey Udom win d award because of him contribution to sports development for imm state.

From imm statement, him talk sey since Udom Emmanuel enter office, hin don ginger sports development for Naija. Sey na dah 1 kon make Akwa Ibom become d football capital of Naija wey host d National team all through dia qualifications for d 2018 world cup for Russia. Him still yan sey dia state owned football team Akwa United na d best managed and funded state owned team so dis 1 don make dem win d federation cup two times for three years and also dia female team Ibom Angels kon follow emerge as d runners up for d women’s federation cup 2017 for d first time.

Na d Chairmo of Akwa United and Senior special assistant to d Governor on sports epp am receive d award.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

WE GO SEIZE ANY MOTOR WEY BEAT TRAFFIC UNTIL CHRISTMAS END – FRSC

Federal Road Safety Commission  (FRSC) for Ogun don halla say any person wey dem catch …

Leave a Reply

Your email address will not be published.