Home / Foreign Tori / UNA NO FIT TAKEOVER – Catalan Leader tell Spain

UNA NO FIT TAKEOVER – Catalan Leader tell Spain

Di fine guy wey be Catalan leader, Carles Puigdemont don tell him people to fight any person wey go come takeover dia country, say Spain no get right to tell Madrid to take over. Him don swear say him go fight well well to achieve him freedom.

Him talk dis, for TV address wey dem call Catalans broadcast on Saturday afternoon. Di tori be say Spain don take over Catalonia government but Catalonian people no gree for dia takeover based on say, dem wan dia freedom.

Spain don tell Madrid to take control for Catalan government based on di ballot vote wey catalan parliament do on Friday wey dem plan say dem go declare dia independence.

Person wey be interior minister for spain don take over catalan police after dem fire dia big big officers

Na on Friday wey person wey be Prime Minister Mariano Rajoy, announce say, him don takeover Catalona and don dissolve dia parliament and dia leader, Carles Puigdemont and talk say him go do new election in December wey dey come.

Dia state bulletin don carry catalan power give Spain Deputy prime minister, Soraya Saenz de Santamaria. Dis Spain people don dey do demonstration anyhow like church service, as some people dey do for dia freedom and some dey do against dia freedom and Spain government dey use constitution like Bible to make sure say Spain dey together for Saturday night.

 

Facebook Comments

About Faithful Ihechiluru

My name be Faithful Ihechiluru. I be movie actor, content developer, and Brand builder.
CONTACTS:
Email:ezefaithful@gmail.com
Phone Number: 07037541935
WhatsApp : +2347037541935

Check Also

WOLE SOYINKA DON WIN D EUROPE THEATRE PRIZE

Professor Wole Soyinka, wey be d 1986 Nobel Prize winner for Literature, don win dis …

Leave a Reply

Your email address will not be published.