Home / Gist / UNIOSUN DON INCREASE DIA SCHOOL FEES BY 140 PERCENT

UNIOSUN DON INCREASE DIA SCHOOL FEES BY 140 PERCENT

Ehn, I no know weda na recession cause dis one o but d management of Osun State University, Osogbo (UNIOSUN), don announce dia plan to increase dia  tuition fees by 140% next academic session.

D university Vice Chancellor, Prof Olabode Popoola, don send message give parents wey be say dia children dey dia school, say dem go increase dia fees o. 

Under d new tuition matter, fresh students wey no dey science wey bin dey pay N150,500 as from 2017/2018 academic session, go dey pay N210,500, den dose ones wey wan do Sciences, Anatomy/Physiology go start to dey pay N245,500, wey be say dem bin dey pay N110,500 before.

Again, d N135,500 wey Nursing and Law students bin dey pay last session don increase go reach N285,500. Public Health students wey bin dey pay N110,500, from d beginning of 2017/2018 session go pay N285, 500. Engineering students, from d N110,500 wey dem pay last session go start to dey pay N250,500.


Amebo don carry am say dem bin yan d parents about d new tuition régime for d Parents Forum Meeting, wey dem bin get on 20th October, 2017 for d main campus of d  University, Osogbo.
D school VC, Prof Olabode Popoola explain say why dem carry d fees go up na so dem go fit dey do anything wey dem wan do for d school without any wahala, and again na only fresh students d increment go affect not returning student.

Students wey bin dey try find admission make dem for enter d school don begin to dey match break, dey carry dia eye go anoda side based on say d fees don come heavy pass dem. 

UNIOSUN go be d most expensive government owned university for d South West region of d country when dey don implement d new fees.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

“Una Voice Matter, Speak Up, Fight, Fight, Fight As Di Change Don Come – Trump Wishes America Merry Xmas

Donald J Trump wey be American president dey celebrate Christmas with American people as him …

Leave a Reply

Your email address will not be published.