UNIPORT DON EXPEL 6 STUDENTS, SUSPEND 7 WORKERS
The Senate for Uniport don make announcement say dem don comot six students for base on different wahala wey dem create for the school
The school news people don tell News Agency of Nigeria the one wey dey Port Harcourt sey them pursue the students because of the mago mago and the copy copy wey them dey do for exam.
From wetin dem talk dem sey dem finalise on the matter for dia 432nd Senate meeting wey dem do on Thursday.
Dem follow talk say them rusticate one Postgraduate Bobo wey dey Department of Educational Management cos of say hin don cast dia school finish.
Another wahala wey the guy bin do be say hin follow one of the staff get wahala cos hin bin stop people wey dey sell something for the school premises.
Them still pursue one girl wey bin continue her study after she bin don fail her Bachelor of Medicine (MBBS) programme.
The staff em wey bin don also follow for this scam sef still dey answer questions from d Senior Staff Disciplinary Committee to know whether true true dem commit d offence.
Them still pursue four students wey dey for Faculty of Pharmaceutical Sciences for exam mago mago wey dem do for dia 2015/2016 second semester exam.
Them follow suspend seven members of Staff for the University indefinitely as them get hand into one building collapse and this building still dey under construction.
Them don put the staff dem for half salary and na so dem go dey collect am till dem comot for the gbege.