United State don condemn Nigeria on plateau killings

U.S. don condemn di attacks wey Fulani herdsmen do for Plateau wey people wey reach 201 die.

U.S. for dia statement by Ms Heather Nauert, wey be talk talk person for U.S. Department of State, talk say make di people wey dey do dis kind thing face justice.

“Di United States condemn di strongest possible terms wey concern di killing of civilians and destruction of property for Nigeria Middle Belt region dis weekend.

“We get concern for di increase on top armed violence against civilians and call and dey tell every political and community leaders to use dia voices talk for peace and to work together to find solutions to di rural conflicts.

“We join President Buhari and othe people to send condolences to di people wey e effect and dia communities, as we dey wait to see wen di people go face justice and to stop other fights,” Nauert talk am.

Based on wetin Mr Terna Tyopev talk, , di Public Relations Officer for Police Command wey dey Plateau, di Fulani herdsmen burn 50 houses, two cars and 15 motorcycles.

Di herdsmen enter Razat, Ruku, Nyarr, Kura and Gana-Ropp villages of Gashish District wey dey Barkin Ladi Local Government Area and kill plenty people.

Plateau government don start dey do dusk to dawn curfew in Riyom, Barkin Ladi and Jos South local government areas after di attack.


Please enter your comment!
Please enter your name here