Today for uniuyo, students don dey run from Bank to Bank wey dey inside uniuyo based on say, light no dey, water no dey and dem never bath and dem no get water wey dem go use clean di toilet.

One student wey speak with newsinpidgin, wey no wan make we mention him name don talk say, di school reservoir wey dem dey use dey store water don spoil since and di school management no wan chook eyes for di matter. 

Another person wey be Igbo person come talk for di matter say, wetin dey vex am be say, na portal people wey no wan dey pump water based on say dem follow Non Academic Staff wey go strike dey cause dis kind thing. 

Di matter be say, dis portal people wey dey work for hostels no even follow for NASU and dem dey claim say dem dey do strike. 

Di water wey no dey for uniuyo and light don cause plenty wahala for di school hostels as di students don defecate everywhere and di hostels dey like where mad people dey live well well.

Di Tori be say, make government for Akwa Ibom state chook mouth for di matter and also Di Federal Government.


Please enter your comment!
Please enter your name here