Home / News / UNIVERSITIES, POLY, NON-TEACHING STAFF GO START INDEFINITE STRIKE ON MONDAY

UNIVERSITIES, POLY, NON-TEACHING STAFF GO START INDEFINITE STRIKE ON MONDAY

Non-teaching staff of Nigerian Universities wey dey under Joint Action Committee don yan say dem go start indefinite strike from Monday wey be Sept. 11 unto say dem never do anything concerning dia 2009 agreement.

D unions dey made up of d National Association of Academic Technologists, d Non-Academic Staff Union of Educational and Associated Institutions, with d Senior Staff Association of Nigerian Universities.

For statement wey dem do joint signature, wey be say na Mr Sani Suleiman, Mr Chris Ani with Mr Samson Ugwoke, wey be Presidents of NAAT, NASU and SSANU na dem yan dis one for Abuja on Wednesday.

Ugokwe yan say d Federal Government dey take d non-teaching staff of universities dey play as dem dey go against d 2009 agreement and Memorandum of Understanding wey JAC sign for January 2017.

Him say d unions dem don wait eight years make government for use brain do d agreement wey dem enter freely with dem. 

As him put am, eight years after d agreement, d government never answer dia demands and dem never even shake body to do anything for dem.

Him say for d statement;

“Wetin we dey ask for na d payment of earned allowances to our members, den make dem for look into d leadership of d governance system for our universities.

“Make dem improve funding with UNESCO recommendations, provide infrastructure for universities and payment of salary shortfall wey dem dey owe members.

“Implementation of d National Industrial Court judgment on University staff schools, registration of NUPEMCO, implementation of CONTISS 14 with 15 for technologists, make dem improve teaching and learning facilities for d universities.

“Make dem reduce d corruption level for d university system, show more commitment and seriousness for d renegotiation of d 2009 FGN/University unions agreement,  with plenty plenty others.”

Him say during d strike, dem no go provide any services for d schools dem no matter wetin happen. 

Him still yan say all dia members go dey dia house until further notices unless say dia JAC presidents dem say otherwise.

Him yan say dem bin don get consultations, still follow govt rapor unto dis matter o kon even write plenty plenty letters dem give dem, go protests sef but nothing happen.

Ugwoke yan say plenty tins wey dem don do make government for look dia side no even work sef… Dem just ignore dem. 

Him yan say;

“As dem never address d demands of d union as dem bin yan for we agreement, universities don continue to dey worse by d day.

“Again, poor governance system don turn normal thing o and na imm dey crash d universities so.

Him follow confam am say corruption na like rice wey dem dey chop which mean say e don become normal tin, enter dia blood sef while d facilities dem no even good to write home about.

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

20 CARS DON BURN AS TANKER EXPLODE FOR FESTAC

Up to 20 cars  and four okada don burn trowey dis afternoon after one tanker …

Leave a Reply

Your email address will not be published.