English FA don announce sey Watford striker, Troy Deeney don get 3 match ban for imm violent conduct for dia last Premier League match wey dem play with Stoke.
D FA bin follow charge Stoke nd Watford for d way dem no bin dey able to take control dia players, wey dem follow admit to. Deeney bin press hin thumb for Joe Allen face for d match.
Joe Allen seff kon react to d matter when Deeney bin wan cross ball enter Stoke penalty area when imm suppose give dem d ball back wey b sey one Stoke player b don play d ball comot because one of dia player get injury.
D ref bin give both of dem yellow card but England FA still kon charge Deeney unto d matter.
Dis one go make Deeney miss dia Premier league match against Everton for November 5, d one with West Ham for November 19 and also when dem go go Newcastle house for November 25.
Watford and Stoke fit pay fines if d FA find dem guilty for all dis charge dem and dem get until 6pm on friday to take respond.