Home / Foreign Tori / WE GO RETURN D $321M WEY ABACHA THIEF – SWITZERLAND

WE GO RETURN D $321M WEY ABACHA THIEF – SWITZERLAND

Switzerland don yan say dem go return around $321 million for public funds wey former Naija dictator Sani Abacha thief back to d country.

D money, wey be say dem originally deposit am for Luxembourg, kon dey confiscated by Swiss court for late 2014 and for March last year d two states sign agreement on dia repatriation.

D Swiss government yan for statement say; 

“As we dey follow d policy on repayment of national assets wey dem thief, Switzerland don agree with Naija and d World Bank make dem for return nearly US$321 for d benefit of Nigerian people”.

Military ruler Abacha, wey bin dey power from 1993 until him death for 1998, bin embezzle  $2.2 billion from Naija central bank for wetin United States call “brazen acts of kleptocracy”. 

D Swiss statement say dese funds bin dey frozen for legal procedure by Geneva public prosecutor against Abba Abacha, Sani Abacha pikin.

Dem say d return of d funds go dey supported and supervised by d World Bank, kon still say d move go “strengthen social security for d poorest Nigerians”.

When dem announce d agreement, Swiss Foreign Minister Didier Burkhalter bin say d fight against corruption na“one of Switzerland priorities”.

Naija Presido Muhammadu Buhari don lead purge of corruption since him enter office for 2015, and him say hin go recover everything wey all oda government don thief.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

See Wetin One Woman Do Her Sister Based On Say She No Gree Stop School For Her Pikins

One person wey dey Facebook, wey dey answer, Oshanor John, don post one picture wey …

Leave a Reply

Your email address will not be published.