Home / Politics / WE GO SUE BUHARI IF HIM NO CONTEST FOR SECOND TERM – KANO APC

WE GO SUE BUHARI IF HIM NO CONTEST FOR SECOND TERM – KANO APC

D Kano state chapter of APC yan say dem don endorse Buhari for second term because of him achievements for d last two years.

D party yan say dem dey very sure say Oga Presido na d best person to man d country for dis time wey d country don start to dey muster energy and resources to develop agriculture, infrastructure kon empower d younger citizens.

Buhari kon beg Naija people say abeg, make dem dey patient with him administration, him kon promise dem say things go better very soon.

D Kano state chapter of d All Progressives Congress (APC) don threaten to sue Oga Presido Muhammadu Buhari if him no agree to dia endorsement for d 2019 general elections.

D party issue d threat on Thursday, December 7, immediately after dem endorse Buhari as dia candidate for d coming presidential election.

According to d president’s spokesperson, Garba Shehu for statement, Buhari bin no talk if him don accept d endorsement or not.

“Presido Buhari bin just dey smile, kon go ahead to tell d need for unity for d party and among d plenty people of Naija.”

D state chairman of d APC, Inuwa Abbas, yan say wetin ginger dem to endorse Buhari na based on him achievements for d last two years especially for d fields of security, d war against corruption and d restructuring of d economy.

Abbas yan say;

“Security dey important for everyone, no be just for Borno, Yobe and Adamawa states”.

‘E even more for us as commercial and industrial state. We dey convinced say na you be d best for dese times when d country don begin to muster energy and resources to develop agriculture, infrastructure and empower d younger citizens.

On him part, Governor Ganduje kon say d party dey prepared to drag d President go court to force am make him accept d second term ticket.

Meanwhile, President Muhammadu Buhari bin yan say all dose people wey thief money from d country treasury over d years, say na only God fit judge dem.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

“Who Born You? You No Fit Close My Mouth”-Fani-Kayode to buhari

Person wey been be Minister of Aviation,under Goodluck Jonathan, Chief Femi Fani-Kayode, Don reply Buhari …

Leave a Reply

Your email address will not be published.