Super Eagles go face Zambia Chipolopolo for dia ogbonge World Cup Qualifying match and d way e be Naija no come to follow dem shine teeth.
Naija coach, Gernot Rohr don come out talk sey imm team no go underrate Zambia when dem go face each other for Godswill Akpabio Stadium.
Super Eagles currently dey top d group with ten points after four games….nd if dem win Zambia for Saturday, e go seal dia place for d world cup.
Rohr talk sey imm no fit predict d score because d match no go easy…imm talk sey Zambia sef dey dangerous cos of d kind team wey dem get…and sey imm no sure sey na another 4-0 win but sey dem go try win even if na by 1 or 2 goals.
Imm talk sey imm don watch many of Zambia videos nd sey imm must talk true sey dem be good team.
Buh sey one tin sure and d tin be sey dem no go make d mistake wey Algeria make when dem be play Zambia. . .and sey Naija dey ready for dem like dis.