Home / Sports / WESTHAM DON SACK BILIC

WESTHAM DON SACK BILIC

West ham don sack dia manager Slaven Bilic dis Monday after imm poor form of results don live d club for relegation zone.

Dem confam dis one for dia official website today. D club chiefs dem believe sey d time for change don reach so dat dem go fit achieve dia goal.

D Croatian wey be sey dem bin appoint for 3yr contract for June 2015 bin collect am for Liverpool hand on Saturday for imm last game charge.

Former Everton and Man United coach David Moyes na imm dem dey reason go take over am for d London stadium.

West Ham bin announce sey dem don dey find who go take over d position for d club and sey dem go soon announce who d person go be dis week.

Bilic assistants dem Nikola Jurcevic, Edin Terzic, Julian Dicks and Miljenko Rak don follow leave d club with immediate effect. 

After d match, Bilic bin admit sey hin no sure sey dem go give am time to take turn things around. Him talk sey hin still believe in himself and imm dedication to imm work because him know imm value and sey as dem no dey play well na imm suppose take d responsibility.

West Ham get just two wins for dia 11 Premier League games dis season wey make dem dey for 18th place just ontop of Crystal Palace and Swansea.

D only better match wey dey don play na when dem come from 2 goals down take win 3-2.

For d first season wey him dey in charge, imm bin finish for seventh place while dem finish for 11th last season.

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

CELTIC GO FACE ZENIT AS ARSENAL DON DRAW D SWEDES

Arsenal go face Swedish minnows Ostersund while Celtic don draw Russia Zenit St Petersburg for …

Leave a Reply

Your email address will not be published.