Yul Edochie, wey be Pete Edochie pikin, wey dey act film, don yan sey, wetin make am, dey contest for Anambra State Governor Election, be sey, him wan change Anambra state, from darkness, wey d old papa, wey don rule dem, carry dem keep, as dem no do anything wey dey beta, for Anambra people.

Yul Edochie, kom yan sey;

“I be una pikin, wey dey humble, as i dey beg for una attention, to be una Governor, as i dey contest for Anambra Governor, as d election dey come, November, 2017”

“Wetin make me to dey contest, na based on sey, our old papa, wey don rule us for dis state, no do anything for us, but only dey carry d money, dey send dem pikins to London, even, as dem dey claim wetin dem no do”. 

“I no dey fear anybody, as i go make d truth, dey open to every person to hear sey, time don kom, wey Youths go lead d Anambra people, and not for d old papas, to dey lead us, without anything to show sey, dem work”. 

“Youths wan hold d cow, for him horn, as dem go make Anambra State to dey go forward, and no more, for Anambra State, to dey appear for news, as state, wey  kidnappers, dey hide, but state, where, people, wey be beta people, dey stay”. 

“Since dem create Anambra State, Anambra never develop till dis time we dey. Our papa don dey rule us, and no wan lead us to see beta things for our life, as dem prefer to be godfathers, godsons, and dey buy gun for Youths to dey protect dem, and dem go dey carry dem pikins, to London, and America”. 

“E dey make me cry, sey, youths, our mama, and our pikins, still dey suffer poverty even till now”. 

“Na dis things, make me sey, i go contest, make i save my people from dis wahala “. 


Please enter your comment!
Please enter your name here