Naija Football Federation Presido, Amaju Pinnick don comot talk sey dem don decide to give Naija coach, Gernot Rohr new contract make him for use avoid distractions as d super Eagles dey prepare for World cup.
D NFF boss announce dis one for Lagos on Monday sey dem don give Rohr extra 2 year contract extension.
Him talk sey as dem sign d agreement on how dem go take pay d team from d FIFA income na imm dem sey make dem take care of d technical adviser, sey imn don try wella and e for no good make imm go for d World cup when imm no dey sure of imm future. Meanwhile d FIFA executive football summit meeting dey expected to hold for Lagos on February 20, 2018 and dem bin follow talk sey one FIFA official bin dey Lagos to inspect d facilities wey dem go use for d event.
Dem don select Naija as one of d member association to take host one of d 12 FIFA executive football summit meetings wey go happen between November 2017 and March 2018 as part of FIFA Presido Gianni Infantino vision wey imm call bringing FIFA back to football and football back to FIFA.
Pinnick also talk sey dis one na very important event for FIFA calendar and sey e dey good sey dem see Naija as good enough to take follow d 12 countries to take host d FIFA executive football summit meeting. Him still sey dis one no be go come sey na all evidence of our global acceptability,visibility and reckoning.