D organisers of d Lagos heel race wey dey jes finish don come out talk why dem organise am sey na to instill smartness for women.

D CEO/Managing Director DAK marketing services limited, Dede Kanu talk sey dem dey concerned on d plenty injuries wey women wey dey on heels dey get when dem dey use am walk and sey dem create dis platform to for take inculcate smartness and build confidence in dem while dem dey wear heels.

For her remarks, d senior client services manager Mercy Ukpai Uma talk sey d event na also empowerment programme for d people wey dey run d race..

She talk sey she dey excited with d kind success wey dem record for d maiden edition of d competition and sey dem dey intend take dis concept to a higher level wey pass Naija seff.

Francesca Emmanuel, one 19year old secondary school student come out as d champion and she win N100,000 while Unaigwe Jennifer carry second kon win N50,000 while Azide Judia kon carry third wey make am carry N30,000 go house while other participants bin also get consolation prizes.



Please enter your comment!
Please enter your name here