Home / Foreign Tori / WICKEDNESS: Libya Dey Sell African People For $400

WICKEDNESS: Libya Dey Sell African People For $400

Libya government don talk say, dem don chook eye dey check for wetin people dey talk for Internet say dem dey sell African Immigrants.

Na di country Interior Minister Aref al-Khodja tell intelligent people for Tripoli say

“direct instructions don dey ground to form investigative committee wey go chook eyes for di matta wey and we go get di people wey dey do am, and those wey dia hand dey for di matta and dem go face law ”

CNN don show one kind video wey Libya people dey sell African Immigrants wey be African people wey travel go Libya and di tori also don scatter for Internet.

Dis matta dey evil. Dia government no fit talk say dem never hear am, as dem dey claim say dem go do investigation.

As e dey, di matta be serious matta now,as plenty people for world don begin halla, and plenty others protest for parts of Europe and Africa.

Oga al-Khodja say dia government still dey wait for di investigation wey dia committee do and e go come soon.

Di tori video show wetin CNN call auction of men wey dem dey give to Libyans to work for dem inside farm; dem sell di men for $400.

For di matta, Libya people talk say, na di way wey Europe dey against illegal immigrants cause wetin dey hapun Libya based on say, di Libyan people no need dem.

Another side na say di United Nations (UN) for Libya don talk for Wednesday say dem dey “pursue di matter with di Libyan authorities to do arrangement wey go protect migrants from bad-bad human rights abuses dem.”

Tori agency wey be Reuters don talk through dia coast guard say dem don already rescue 1,100 migrants from 11 boats, while e pass 200 wey dem save on Thursday.

Facebook Comments

About Faithful Ihechiluru

My name be Faithful Ihechiluru. I be movie actor, content developer, and Brand builder.
CONTACTS:
Email:ezefaithful@gmail.com
Phone Number: 07037541935
WhatsApp : +2347037541935

Check Also

WOLE SOYINKA DON WIN D EUROPE THEATRE PRIZE

Professor Wole Soyinka, wey be d 1986 Nobel Prize winner for Literature, don win dis …

Leave a Reply

Your email address will not be published.