Before Before Naija central defender, Godwin Okpara don enter news again o. And dis time, na him wife Lynda Oladoyinbo Okpara drag am go court unto ownership of property, wey she say she bin get when everything bin dey coole for d family.
She yan say her husband no gree allow am get her share of d properties, so she don drag am go for front of one Ikeja Magistrate Court, say abeg make dem give her three living children justice.
Gist carry am say she and her husband separate when she catch am dey sleep with (Tina Okpara) d girl wey she adopt but her real name na Awawu Simoni.
She yan say,
“Her papa bin dey work with one of my uncles. As dem fire am, na imm I adopt d girl and na dat time her follow sef die. Nobody bin dey to take care of her and she bin don dey get kwashiorkor, na why I take her in.
“I finally catch Tina with my husband ontop my bed, my husband kon hold me, na so she run go outside d house. I dey okay with am to dey date girls for outside, but not inside my matrimonial home. Na when dem arrest me I kon open up. Even d girl sef bin get hepatitis B, I bin do test for am before I adopt am”.
She marry Godwin Okpara for December 31, 1992 and dem get four children together, Stephanie, 25, Shawn 22(wey don die), Sharon 18 and Sidney 17, all of dem base for France.
Godwin Okpara bin get good time as him bin dey play den for Super Eagles and for d club side, PSG for France but all dese wahala of constant wife battery and child trafficking kon do make dem comot from football enter jail.
Him don come back Naija now but him dey hold d share of d property from him wife.
She follow yan say Godwin Opara don abandon dia three children wey dey France. She bin dey cry when she dey read d message wey dem send am say, abeg make she just try, send dem money to take chop.
Even sef, her husband disgrace am, hire thugs to go assault am, even strip her naked for her compound and people bin dey look. Unto dis one na, she say e go dey very hard for am to forgive Godwin Okpara even as she love am wella.