Woman don burn her pikin to death with kerosene for Aba

One woman, Chinyere Odum, don burn her boy pikin wey dey 14years, Obioma Odum with kerosene and fire for Aba ,Abia state.

Dis one hapun foe Umuloghe Agbolughe, wey dey for Amuzukwu, Umuahia, Abia State.

Di mata be say, Chinyere, wey accuse him son say na him steal him memory card with him friend tie him son, beat am well well with stick, carry am go inside di kitchen, pour kerosene on am and put fire for him body.

But community youths force di kitchen door, kom open am  when dem see smokes wey dey comot from di kitchen and see di boy on fire.

Di witness yan say “Di youths bring di boy out from di kitchen after dem stop di fire. But wen dem rush am to hospital for di area, he don already get up to 54 per cent burns.

“Dem refer am to Federal Medical Centre, Umuahia, wey refer am to University of Nigeria Teaching Hospital, Enugu. Him die there for di FMC dis morning (Tuesday) before dem wan move am”

Di papa of di boy,  Mr Obioma Odum, talk say,  “I no dey house wen dis kind thing hapun ”

“I dey my work place and my elder brother call me and tell me say my wife and her friend pour kerosene on my son and burn am inside kitchen. wen I reach, our youth people don already rescue am.”

“Dem refer us to FMC, Umuahia. And dem talk say make we come next day to carry di boy go UNTH, Enugu. But him die before we go move am”

“I bin no get Wahala with my wife till di time she use knife break my head based on say I ask am to stop di relationship wey she get with one small boy.”



Please enter your comment!
Please enter your name here