Home / Sports / WORLD CUP: VICTOR MOSES SAY CHELSEA PLAYERS DEY LAUGH NAIJA 

WORLD CUP: VICTOR MOSES SAY CHELSEA PLAYERS DEY LAUGH NAIJA 

Super Eagles forward, Victor Moses don yan say him teammates for Chelsea don rubbish Naija ahead of d 2018 World Cup for Russia.

Super Eagles bin enter Group D for d World Cup and Argentina, Croatia and Iceland follow dey d group.

Moses, kon yan say pointing out Croatia and Iceland go be difficult games for d Eagles, but say Argentina go dey fear to face Nigeria.

D Chelsea winger tell Mirror, UK, say,

“We no want play against Messi, but na wetin go happen be dat. We gatz go play our football and see wetin go happen.

“After wetin Iceland do last year [as dem beat England for d last 16 of d Euros], football nowadays, no get any easy game.

“Argentina go dey fear us as well.

“Na all about football at d end of d day.

“Everybody for Chelsea dey talk say dem thrash us, beat us wella and we no go even make am through d group stage.

“Hopefully, we fit go out dia, make d nation proud den comot from d group.”

#confamtori

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

CELTIC GO FACE ZENIT AS ARSENAL DON DRAW D SWEDES

Arsenal go face Swedish minnows Ostersund while Celtic don draw Russia Zenit St Petersburg for …

Leave a Reply

Your email address will not be published.