PIDGIN NEWS | SEPTEMBER 15, 2018
On Tuesday , Yahoo Boys beat-up two SARS people wey stop dem to search dem for Imo state road.
Di tori be say, dis SARS officers block Yahoo boys four convoy cars with dia own, as dem dey go Aba from Imo State.
Di SARS officer bin accuse dem say, dem be Yahoo Boys wey dey bring bad names to Nigeria.
One Ofdi guys dem stop reply dem say, dem dey go late for meeting, make di police stop dey use lie dey collect money.
Him tell dem say, na based on car and look make dem dey call dem yahoo boys .
Based on di talk, kasala burst, one Yahoo boy slap SARS man, hold him gun, others comot from dia cars, hold other SARSMEN.
Di SARSMEN dey for ground for long. Before other SARS people go come, di guys don “viam”, runcomot.
Remember say, Police IG talk say, any SARS man wey hold Yahoo Boys make dem beat am well well.
Na wetin ginger dis Yahoo bobos.