One popular rapper for Yankee wey be Future, don come open up talk say him go collabo with Starboy Wizkid for him next jam wey go soon drop.
Future talk this one for one press conference wey him just dey yan about as Hip Hop take be for Afrika and him go soon collabo with Wizzy drop something.
E get one time like that wey Starboy Wizzy drop one pissure for him Instagram page, wey him with Future bin dey laugh. Last last, the rapper don come out to yan say him with Wizkid dey rapor wella.
When Wizkid fans dem hear this gist ehn, e go burst dia brain no be just base on say him get beef with Davido but because dem know say Future with Wizzy for jam go make brain die!