Home / Foreign Tori / ZUMA DON SAY MAKE ANC PUNISH ALL THE LAWMAKERS WEY PLAY AM OPPOSITION

ZUMA DON SAY MAKE ANC PUNISH ALL THE LAWMAKERS WEY PLAY AM OPPOSITION

President Jacob Zuma wey be President of South Africa don lead African National Congress (ANC) say make dem find the party members wey vote against am, punish all of dem.

South African media report say Zuma for ANC meeting call dese people “people wey get double hearts, one for the ANC and one for other parties,” come talk say “na must to carry dem go (ANC) disciplinary committee.

Dem quote wetin Zuma talk and him say:

 “Wetin our enemies (dese na people for the  parliament o) bin dey do na: ‘How we go take destroy the ANC, make am weak, so we go fit control dis country?

The party never know as him go fit know who vote against Zuma or wetin dem go do dem.

The president talk say him go discuss wetin go happen next for meeting of the ANC on Monday.

Bad belle people yan say wetin Zuma wan do na to make sure say him still get correct power over the party so dat anybody wey him choose to be leader after am go continue the wuru wuru wey him bin dey do for avoid the eight years wey him dey power.

Zuma don deny say na lie o… All dese people dey lie for my head.

The opposition bin wan comot Zuma unto say him remove finance minister Pravin Gordhan for March, wey make South Africa owe plenty gbese.

As dem try to comot am, dem no fit, the main opposition wey be Democratic Alliance party say dem go do dis one for dia general election.

The ANC, wey get strong majority for the Assembly, cancel the DA call, talk say dem dey dream.

Facebook Comments

About Deborah Jimmy

My name na Deborah Jimmy. I be media person, blogger, researcher, actress, communication artist, and I dey flow well for we country language.

Check Also

“Una Voice Matter, Speak Up, Fight, Fight, Fight As Di Change Don Come – Trump Wishes America Merry Xmas

Donald J Trump wey be American president dey celebrate Christmas with American people as him …

Leave a Reply

Your email address will not be published.